தோழர் பெரியார்:பொருள் முதல் வாதம்

தோழர் பெரியார்:பொருள் முதல் வாதம்

 பகுத்தறிவுவாதிகள்- மனித ஜீவ அபிமானிகள் தங்கள் பகுத்தறிவினால் சுயநலப் புரோகிதர்களால் கட்டப்பட்ட இந்த மறு உலக நம்பிக்கைகளைத் தகர்த்தெறிந்து மக்களை இவ்வுலக வாழ்க்கையில் பற்றுள்ளவர்களாகச் செய்ய வேண்டும்.விஞ்ஞான அறிவு நாளடைவில் லோகாயதவாதிகளுக்கு (Materialist) அனுகூலமாக வளர்ந்த கொண்டே வருகிறது.விஞ்ஞான வளர்ச்சி என்னும் சம்மட்டியினால் கடவுள்,ஆத்மா,மோட்சம்,நரகம்,பாவ,புண்ணியம்,ஒழுக்கம்,என்னும் கற்பனைகள் நிர்த்தூளி செய்யப்பட்டுக்கொண்டேதான் வருகிறது. ஆனால் நம் ஒவ்வொருவரும் இவ்விஞ்ஞானி முறையை கைக்கொண்டு சுயநலப் புரோகிதர்களால் நிறுவிய மறு உலக வாழ்க்கையின் நம்பிக்கையை விரைவில் உலகை விட்டு ஓட்டி இவ்வுலக வாழ்க்கையை இன்பகரமாகச் செய்ய முயலுவோமாக.