நக்சலைட் அஜிதாவின் நினைவுக்குறிப்புகள்

நக்சலைட் அஜிதாவின் நினைவுக்குறிப்புகள்

சில கோழைகளின் கண்களுக்கு நாங்கள் பலமற்றவர்கள்போல் தெரியலாம்.மற்ற சிலர் நாங்கள் சாகசம் புரிவதில் ஆர்வமுள்ளவர்களென்றெல்லாம் பிரச்சாரம் செய்வார்கள்.இதெல்லாமே தவறுகள் என்பதை அவர்கள் மிகச் சீக்கிரமாகவே புரிந்துகொள்வார்கள். எங்களுடைய சரியான பலம் இருப்பது,கிராமப்புறங்களில் வாழுகிற எங்களது உடன் பிறப்புக்காகிய விவசாயப் பெருங்குடி மக்களி்டம்தான்.இந்த பெரும் சக்தியை நம்பியை நாங்கள் வீட்டையும் குடும்பத்தையும் துறந்து வெளிக்டையான இந்த ஆயதப்போராட்டத்தின் கொடியையுமேந்தி பரந்து விரிந்து கிடக்கும் நம்முடைய கிராமப் புறங்களுக்குப் பயணத்தை மேற்கொண்டிருக்கிறோம்.அங்கே எங்களது விவசாயத்தோழர்களுடன் இணைந்து எதிரிகளை வெல்கிற ஜீவமரணப் போராட்டத்திற்கான சக்தியைத்திரட்டிக்கொண்டு மீண்டும் நாங்கள் இந்த இடங்களுக்கே திரும்பிவருவோம்.இதில் யாருக்கும்எந்தவிதமான சந்தேகங்களும் தேவையே இல்லை.இன்று நாங்கள் தற்போதைக்கு விடைபெறும் வர்க்க சகோதரர்களும் உடன்பிறப்புகளும் குடும்ப அங்கத்தினர்களுமெல்லாம் இதை நிச்சயமாக எதிர்பார்க்கலாம்.ஏனென்றால் இந்தத் துவக்கத்தின் எங்களுடைய மார்க்க வழிகாட்டியாக மாபெரும் வெற்றியாளனாகி மாவோ சே துங்கின் சிந்தனைகளிருக்கின்றன.