மலரும் மணமும் தேடி

மலரும் மணமும் தேடி

பாவண்ணன் அவர்கள் எழுதியது.

ஒரு காட்சித் தோற்றம் பலவிதமான எண்ணங்களை அசைபோடத் தூண்டுவதைப்போல, படிக்கத் தேர்ந்தெடு்க்கிற ஒவ்வொரு புத்தகமும் ஏதோ ஒரு கோணத்தில் வாழ்க்கைச் சித்திரத்தைக் காணும்படி தூண்டுகிறது.மற்ற கோணங்களில் அதன் வடிவம் எப்படி இருக்கக்கூடும் என்று நாம் நம் வாழ்க்கை அனுபவங்களின் உதவியோடும் வாசக அனுபவங்களின் உதவியோடும் முழுமைப்படுத்திப் பார்க்க முயற்சி செயகிறோம். ஒரு வாசகனாக இது எனக்கு எப்போதும் உற்சாகமான செயல்பாடாகத் தோன்றுகிறது. இந்தத் தொகுதியில் அமைந்திருக்கிற கட்டுரைகள் அனைத்தும் ஏதேதோ சந்தர்ப்பங்களில் படித்த புத்தகங்களைப் பற்றியவை. அவை முன்வைத்த வாழ்வின் கோல்கங்களைப் பற்றியவை. அக்கோலங்களின் துணையோடு வாழ்வின் முழுமையை வடித்துப் பார்க்கச் செய்த முயற்சிகளைப் பற்றியவை.