சொல்லேர் உழவன்

சொல்லேர் உழவன்

நடைமுறைகள்தான் கொள்கைகள் உருவாவதற்கு அடிப்படை,இதனால்தான் நடைமுறை,கொள்கையைக் காட்டிலும் மேலானது. தமிழ் அகராதியியலைப் பொருத்தவரையில் நடைமுறை மூலமாக வெளிவந்த அகராதிகள்தாம் ஏராளம். ஆனால் அவை பற்றிய ஆய்வுகள் மிகக் குறைவாகவே நடந்திருக்கின்றன. இதனால் கோட்பாடுகளை உருவாக்குவதற்கு அடிப்படையாக அமையும் அகராதியில் ஆய்வுகள் தமிழ்ப்புலத்தில் வெளிவர வாய்ப்பில்லாமல் போனது.இந்நிலையில்,'முன்னேறு திரும்பிபார்' எனும் அடிப்படையில் இதுவரை வெளிவந்துள்ள அகராதிகளை ஆராய்வது அவசியம்.இத்தகைய ஆய்வுகளின் மூலம் அகராதிப் பதிவமைப்பு நெறிமுறைகளில் உள்ள நிறைகுறைகளை ஆராயலாம்.அதன் மூலம் தமிழ் அகராதியியலை மேம்படுத்தி,எதிர்கால அகராதிகளுக்கான வளமான கோட்பாடுகளை உருவாக்கலாம்.